وہ نہیں تو زندگی کو زندگی کیسے کہیں

وہ نہیں تو زندگی کو زندگی کیسے کہیں

مل گیا سب کچھ مگر اس کو خوشی کیسے کہیں

آپ کی معصومیت پہ ہو گئے قربان ہم

آپ کی اس سادگی کو سادگی کیسے کہیں

چاند کی آوارگی سے آج ہیں حیران سب

اور وہ آنکھوں سے اوجھل چاندنی کیسے کہیں

جسم بھی ہے جان بھی ہے دور ہیں احساس سے

آپ ہوں گے اور کچھ ہم آدمی کیسے کہیں

آپ کی ان چاہتوں سے بڑھ گئیں دشواریاں

آپ کی ان چاہتوں کو مخملی کیسے کہیں

شوخیوں کے تیر ہم پر پھینکتے ہیں آج وہ

شادؔ وہ کچھ بھی کہیں ہم دل لگی کیسے کہیں