wo nahin to zindagi ko zindagi kaise kahen

vo nahīñ to zindagī ko zindagī kaise kaheñ

mil gayā sab kuchh magar is ko ḳhushī kaise kahīñ

aap kī ma.asūmiyat pe ho ga.e qurbān ham

aap kī is sādgī ko sādgī kaise kaheñ

chāñd kī āvārgī se aaj haiñ hairān sab

aur vo āñkhoñ se ojhal chāñdnī kaise kaheñ

jism bhī hai jaan bhī hai duur haiñ ehsās se

aap hoñge aur kuchh ham aadmī kaise kaheñ

aap kī in chāhatoñ se baḌh ga.iiñ dushvāriyāñ

aap kī in chāhatoñ ko maḳhmalī kaise kaheñ

shoḳhiyoñ ke tiir ham par pheñkte haiñ aaj vo

'shād' vo kuchh bhī kaheñ ham dil-lagī kaise kaheñ

wo nahin to zindagi ko zindagi kaise kahen

mil gaya sab kuchh magar is ko KHushi kaise kahin

aap ki masumiyat pe ho gae qurban hum

aap ki is sadgi ko sadgi kaise kahen

chand ki aawargi se aaj hain hairan sab

aur wo aankhon se ojhal chandni kaise kahen

jism bhi hai jaan bhi hai dur hain ehsas se

aap honge aur kuchh hum aadmi kaise kahen

aap ki in chahaton se baDh gain dushwariyan

aap ki in chahaton ko maKHmali kaise kahen

shoKHiyon ke tir hum par phenkte hain aaj wo

'shad' wo kuchh bhi kahen hum dil-lagi kaise kahen