wo naqsh-e-pa hain koi dusra chale to gire

vo naqsh-e-pā haiñ koī dūsrā chale to gire

tire qadam pe tirā āshnā chale to gire

mujhe hai ilm-e-taḳhayyul kī tez-gāmī kā

tire ḳhayāl meñ baiThā huā chale to gire

na sochī baat jo tū ne vo likh na jā.ūñ kahīñ

qalam ye tere liye sochtā chale to gire

qubūl kar liyā qabroñ ne saarī lāshoñ ko

yahāñ nigāh koī ab uThā chale to gire

ye be-ḳhudī meñ sambhalnā to sahl hai 'aḳhtar'

hamārī raah koī pārsā chale to gire

wo naqsh-e-pa hain koi dusra chale to gire

tere qadam pe tera aashna chale to gire

mujhe hai ilm-e-taKHayyul ki tez-gami ka

tere KHayal mein baiTha hua chale to gire

na sochi baat jo tu ne wo likh na jaun kahin

qalam ye tere liye sochta chale to gire

qubul kar liya qabron ne sari lashon ko

yahan nigah koi ab uTha chale to gire

ye be-KHudi mein sambhalna to sahl hai 'aKHtar'

hamari rah koi parsa chale to gire