wo nazm-o-zabt ke sab marhale guzar chuke hain

vo nazm-o-zabt ke sab marhale guzar chuke haiñ

havā meñ raakh ke mānind ham bikhar chuke haiñ

nisār 'ishq meñ karte haiñ log jaañ aur ham

ye 'āqibat hī kisī par nisār kar chuke haiñ

ye ġhusl-o-dafn kī rasmeñ to hoñgī jab hoñgī

takallufāt nafas ke haiñ ham to mar chuke haiñ

ye hast-o-būd ye daur-e-jahāñ musalsal hai

darūn-e-zāt to barsoñ se ham Thahar chuke haiñ

hasīb-e-bāġh-e-jahāñ kī nazar ke tālib haiñ

ham aise barg-o-samar ḳhuub ab nikhar chuke haiñ

ba-vaqt-e-sub.h guloñ par nikhār aa chukā hai

kaTore ashk-e-nadāmat se ḳhuub bhar chuke haiñ

ab aa.ine meñ ubhartā nahīñ hai 'aks mirā

'zahīr' had se ziyāda hī kuchh sañvar chuke haiñ

wo nazm-o-zabt ke sab marhale guzar chuke hain

hawa mein rakh ke manind hum bikhar chuke hain

nisar 'ishq mein karte hain log jaan aur hum

ye 'aqibat hi kisi par nisar kar chuke hain

ye ghusl-o-dafn ki rasmen to hongi jab hongi

takallufat nafas ke hain hum to mar chuke hain

ye hast-o-bud ye daur-e-jahan musalsal hai

darun-e-zat to barson se hum Thahar chuke hain

hasib-e-bagh-e-jahan ki nazar ke talib hain

hum aise barg-o-samar KHub ab nikhar chuke hain

ba-waqt-e-subh gulon par nikhaar aa chuka hai

kaTore ashk-e-nadamat se KHub bhar chuke hain

ab aaine mein ubharta nahin hai 'aks mera

'zahir' had se ziyaada hi kuchh sanwar chuke hain