wo nigah-e-jalwa-ara chahiye

vo nigāh-e-jalva-ārā chāhiye

zindagī kā isti.āra chāhiye

jī uThegā phir se quqnus-soḳhta

pahlī bārish kā ishāra chāhiye

lutf-e-hastī ke liye ham ko faqat

dard-o-ġham kā ik sahārā chāhiye

sard hotā jā rahā hai ab lahū

phir ragoñ meñ ik sharāra chāhiye

hoñ qalam-rau meñ mirī shams-o-qamar

is bulandī par sitārā chāhiye

zulmat-e-shab aur balāoñ kā nuzūl

ism-e-āzam kā sahārā chāhiye

ġham kī zad par hai dil-e-hirmāñ-nasīb

is safīne ko kinārā chāhiye

wo nigah-e-jalwa-ara chahiye

zindagi ka istiara chahiye

ji uThega phir se quqnus-soKHta

pahli barish ka ishaara chahiye

lutf-e-hasti ke liye hum ko faqat

dard-o-gham ka ek sahaara chahiye

sard hota ja raha hai ab lahu

phir ragon mein ek sharara chahiye

hon qalam-rau mein meri shams-o-qamar

is bulandi par sitara chahiye

zulmat-e-shab aur balaon ka nuzul

ism-e-azam ka sahaara chahiye

gham ki zad par hai dil-e-hirman-nasib

is safine ko kinara chahiye