wo nur-e-subh-e-tilismi hamare ghar mein gira

vo nūr-e-sub.h-e-tilismī hamāre ghar meñ girā

añdherā aur ghanā kāsa-e-sahar meñ girā

ye raushnī kī virāsat ḳharīdtā kaise

hamesha sikka-e-shab hī mire khañDar meñ girā

maiñ us ko DhūñD rahā huuñ magar pata hī nahīñ

kahāñ ye zād-e-safar garmī-e-safar meñ girā

na jaane kaun sā sūraj dahak rahā hai yahāñ

nafas se jis ke harā peḌ dopahar meñ girā

añdherā chhā gayā har samt daf.atan 'ātish'

sharār-e-sang sar-e-ḳhitta-e-nazar meñ girā

wo nur-e-subh-e-tilismi hamare ghar mein gira

andhera aur ghana kasa-e-sahar mein gira

ye raushni ki wirasat KHaridta kaise

hamesha sikka-e-shab hi mere khanDar mein gira

main us ko DhunD raha hun magar pata hi nahin

kahan ye zad-e-safar garmi-e-safar mein gira

na jaane kaun sa suraj dahak raha hai yahan

nafas se jis ke hara peD dopahar mein gira

andhera chha gaya har samt dafatan 'atish'

sharar-e-sang sar-e-KHitta-e-nazar mein gira