wo pas aae to dil be-qarar hone laga

vo paas aa.e to dil be-qarār hone lagā

sukūn-e-dil kā mire intishār hone lagā

hai raaz kyā ai mohabbat batā de ham ko zarā

qarīb aane pe kyuuñ intizār hone lagā

zarā samajhne de saaqī ye mājrā kyā hai

ki jaam piine se pahle ḳhumār hone lagā

phir āsmān-e-muqaddar pe koī halchal hai

ki nā-gahāñ mire dil pe ġhubār hone lagā

kabhī vo aa bhī sakeñge hameñ yaqīñ to na thā

mile jo ḳhvāb meñ kuchh e'tibār hone lagā

kiyā jo yaad unheñ aa ga.e tasavvur meñ

hai sher kuchh to hameñ iḳhtiyār hone lagā

bahār hai ki ḳhizāñ 'shauq' ham yahī jaane

ki un ke aane se rañg-o-bahār hone lagā

wo pas aae to dil be-qarar hone laga

sukun-e-dil ka mere intishaar hone laga

hai raaz kya ai mohabbat bata de hum ko zara

qarib aane pe kyun intizar hone laga

zara samajhne de saqi ye majra kya hai

ki jam pine se pahle KHumar hone laga

phir aasman-e-muqaddar pe koi halchal hai

ki na-gahan mere dil pe ghubar hone laga

kabhi wo aa bhi sakenge hamein yaqin to na tha

mile jo KHwab mein kuchh e'tibar hone laga

kiya jo yaad unhen aa gae tasawwur mein

hai sher kuchh to hamein iKHtiyar hone laga

bahaar hai ki KHizan 'shauq' hum yahi jaane

ki un ke aane se rang-o-bahaar hone laga