wo pareshani sar-e-dasht-e-adam hai hum ko

vo pareshānī sar-e-dasht-e-adam hai ham ko

bāġh-e-rizvān bhī mil jaa.e to kam hai ham ko

ab bhī dil meñ tire hone kā gumāñ baaqī hai

TūTte bante irādoñ kī qasam hai ham ko

is ko kahte haiñ miyāñ zaḳhm kā taaza honā

vo kisī aur se bichhḌā hai to ġham hai ham ko

tujh se yuuñ māñgte haiñ terā bharam rah jaa.e

varna har chiiz mohabbat meñ baham hai ham ko

tire aane pe koī radd-e-amal kyā dete

ye ḳhushī itnī ziyāda hai na kam hai ham ko

wo pareshani sar-e-dasht-e-adam hai hum ko

bagh-e-rizwan bhi mil jae to kam hai hum ko

ab bhi dil mein tere hone ka guman baqi hai

TuTte bante iradon ki qasam hai hum ko

is ko kahte hain miyan zaKHm ka taza hona

wo kisi aur se bichhDa hai to gham hai hum ko

tujh se yun mangte hain tera bharam rah jae

warna har chiz mohabbat mein baham hai hum ko

tere aane pe koi radd-e-amal kya dete

ye KHushi itni ziyaada hai na kam hai hum ko