wo pari-ru is qadar shola-fishan hai bazm main

vo parī-rū is qadar sho'la-fishāñ hai bazm maiñ

dil nahīñ ḳhud ātish-e-tāq-e-farozāñ jal gayā

haa.e ham jalte rahe yuuñ muddatoñ tere jilau

tū ba-vaj.h-e-jumbish-e-betāb-e-tābāñ jal gayā

jāntā huuñ hai muqaddar furqat-o-ġham har ghaḌī

terī bazm-e-nāz meñ phir sham’-e-giryāñ jal gayā

jal rahe haiñ roz-o-shab shām-o-sahar sadiyāñ huiiñ

dekhte hī dekhte sab naqsh-e-jānāñ jal gayā

koī jaltā hai tamāshā ban ke us kī bazm meñ

maiñ ġharīb-e-shahr thā pinhāñ kā pinhāñ jal gayā

kyā hai qaid-e-bā-mashaqqat kyā rihā.ī kyā sazā

ye vujūd-e-be-zabāñ thā pā-ba-jaulāñ jal gayā

hai sukūt-e-dil-girafta har taraf chhāyā huā

jab se nāz-e-mīr-e-jānāñ shauq-e-raqsāñ jal gayā

jab ye pūchhā sāda-lauhoñ par hai kyoñ zulm-o-sitam

muskurāyā vo sitamgar dil kā sāmāñ jal gayā

'ishq kī duniyā hai ḳhāmoshī se jalnā dam-ba-dam

vo sarāpā shor-o-ġhauġhā dekh sozāñ jal gayā

haa.e ye jalnā hī kyā qismat mirī chāroñ pahar

maiñ dam-e-bīm-o-rajā maġhlūb-e-hijrāñ jal gayā

haiñ tire dāman meñ pinhāñ saikḌoñ ḳhvāboñ ke qatl

aur ik mazlūm vo thā gul-ba-dāmāñ jal gayā

haa.e ab 'āhan' kī duniyā phir ujaḌ kar rah ga.ī

phir ye shādābī jahāñ kī dekh jānāñ jal gayā

wo pari-ru is qadar sho'la-fishan hai bazm main

dil nahin KHud aatish-e-taq-e-farozan jal gaya

hae hum jalte rahe yun muddaton tere jilau

tu ba-wajh-e-jumbish-e-betab-e-taban jal gaya

jaanta hun hai muqaddar furqat-o-gham har ghaDi

teri bazm-e-naz mein phir sham’-e-giryan jal gaya

jal rahe hain roz-o-shab sham-o-sahar sadiyan huin

dekhte hi dekhte sab naqsh-e-jaanan jal gaya

koi jalta hai tamasha ban ke us ki bazm mein

main gharib-e-shahr tha pinhan ka pinhan jal gaya

kya hai qaid-e-ba-mashaqqat kya rihai kya saza

ye wujud-e-be-zaban tha pa-ba-jaulan jal gaya

hai sukut-e-dil-girafta har taraf chhaya hua

jab se naz-e-mir-e-jaanan shauq-e-raqsan jal gaya

jab ye puchha sada-lauhon par hai kyon zulm-o-sitam

muskuraya wo sitamgar dil ka saman jal gaya

'ishq ki duniya hai KHamoshi se jalna dam-ba-dam

wo sarapa shor-o-ghaugha dekh sozan jal gaya

hae ye jalna hi kya qismat meri chaaron pahar

main dam-e-bim-o-raja maghlub-e-hijran jal gaya

hain tere daman mein pinhan saikDon KHwabon ke qatl

aur ek mazlum wo tha gul-ba-daman jal gaya

hae ab 'ahan' ki duniya phir ujaD kar rah gai

phir ye shadabi jahan ki dekh jaanan jal gaya