wo phul tha jadu-nagri mein jis phul ki KHushbu bhai thi

vo phuul thā jādū-nagrī meñ jis phuul kī ḳhushbū bhaa.ī thī

use laanā jaan gañvānā thā aur apnī jaan parā.ī thī

vo raat kā tūl-tavīl safar kyā kahiye kaise aa.ī sahar

kuchh maiñ ne qissa chheḌā thā kuchh us ne aas bañdhā.ī thī

ḳhvāboñ se udhar kī masāfat meñ jo guzrī hai kyā pūchhte ho

ik vahshat chār-pahar kī thī ik jaltī huī tanhā.ī thī

vo raat ki jis ke kināroñ par ham milte aur bichhaḌte the

ik baar mujhe tanhā pā kar us kī bhī aañkh bhar aa.ī thī

har shaam ufuq kī duurī par koī sahmā sahmā phirtā thā

tasvīr jo us kī banā.ī to ḳhud apnī shakl banā.ī thī

wo phul tha jadu-nagri mein jis phul ki KHushbu bhai thi

use lana jaan ganwana tha aur apni jaan parai thi

wo raat ka tul-tawil safar kya kahiye kaise aai sahar

kuchh main ne qissa chheDa tha kuchh us ne aas bandhai thi

KHwabon se udhar ki masafat mein jo guzri hai kya puchhte ho

ek wahshat chaar-pahar ki thi ek jalti hui tanhai thi

wo raat ki jis ke kinaron par hum milte aur bichhaDte the

ek bar mujhe tanha pa kar us ki bhi aankh bhar aai thi

har sham ufuq ki duri par koi sahma sahma phirta tha

taswir jo us ki banai to KHud apni shakl banai thi