wo puchhte hain hijr mein hai iztirab kya

vo pūchhte haiñ hijr meñ hai iztirāb kyā

hairān huuñ ki duuñ unheñ is kā javāb kyā

dil aur vo bhī sirf mirā dardmand dil

terī nigāh ne ye kiyā intiḳhāb kyā

jaatī nahīñ ḳhalish alam-e-rozgār kī

ai āsmāñ huā vo tirā inqilāb kyā

nazzāra-e-jamāl kī yaañ taab hī nahīñ

ai barq-e-husn chāhiye tujh ko naqāb kyā

vaada bhī kar lo vaada pe yaañ aa bhī jaao tum

ye sab sahī tumhārī nahīñ kā javāb kyā

besh-az-gumān ḳhvāb nahīñ fursat-e-hayāt

'fānī' tum is ḳhayāl ko samjhe ho ḳhvāb kyā

wo puchhte hain hijr mein hai iztirab kya

hairan hun ki dun unhen is ka jawab kya

dil aur wo bhi sirf mera dardmand dil

teri nigah ne ye kiya intiKHab kya

jati nahin KHalish alam-e-rozgar ki

ai aasman hua wo tera inqilab kya

nazzara-e-jamal ki yan tab hi nahin

ai barq-e-husn chahiye tujh ko naqab kya

wada bhi kar lo wada pe yan aa bhi jao tum

ye sab sahi tumhaari nahin ka jawab kya

besh-az-guman KHwab nahin fursat-e-hayat

'fani' tum is KHayal ko samjhe ho KHwab kya