wo pyas ki ab bhej ghaTa chaaron taraf se

vo pyaas kī ab bhej ghaTā chāroñ taraf se

ai mere ḳhudā mere ḳhudā chāroñ taraf se

maiñ ne to pukārā thā kisī ek hī jānib

kyoñ lauT ke aa.ī hai sadā chāroñ taraf se

girnā hai magar yuuñ to nahīñ tum se girūñgā

yalġhār karo mujh pe zarā chāroñ taraf se

ho jaatī hai jab ret pe tasvīr mukammal

aa jaatī hai phir tez havā chāroñ taraf se

aane pe koī qaid na jaane pe hai bandish

is dil ko rakhā maiñ ne khulā chāroñ taraf se

bīmār tirā kal tire pahlū se uThā to

lagtā thā ki barsī hai shifā chāroñ taraf se

'sajjād' nikal jā.ūñ agar hadd-e-zamīñ se

tayyār hai khāne ko ḳhalā chāroñ taraf se

wo pyas ki ab bhej ghaTa chaaron taraf se

ai mere KHuda mere KHuda chaaron taraf se

main ne to pukara tha kisi ek hi jaanib

kyon lauT ke aai hai sada chaaron taraf se

girna hai magar yun to nahin tum se girunga

yalghaar karo mujh pe zara chaaron taraf se

ho jati hai jab ret pe taswir mukammal

aa jati hai phir tez hawa chaaron taraf se

aane pe koi qaid na jaane pe hai bandish

is dil ko rakha main ne khula chaaron taraf se

bimar tera kal tere pahlu se uTha to

lagta tha ki barsi hai shifa chaaron taraf se

'sajjad' nikal jaun agar hadd-e-zamin se

tayyar hai khane ko KHala chaaron taraf se