wo rangat tu ne ai gul-ru nikali

vo rañgat tū ne ai gul-rū nikālī

nichhāvar ko guloñ ne bū nikālī

mizāj-e-bū-e-sumbul kar ke mauqūf

sabā nai nik.hat-e-gesū nikālī

na thī jaane kī us tak raah dil kī

chhurī se chiir ke pahlū nikālī

nikāsī jab na dekhī yaas dil kī

bahā ke aaTh aaTh aañsū nikālī

hamārī ruuh ik rashk-e-chaman ne

suñghā ke phuul kī ḳhushbū nikālī

mire sayyād ne bulbul kī mayyat

qafas se toḌ ke baazū nikālī

kiyā us se jo ḳhush-chashmī kā da.avā

tirī jā.egī aañkh aahū nikālī

sulaimānī dikhā dī shaan tum ne

parī-rū maañg vo ḳhush-rū nikālī

nikālā husn kā armān tū ne

mirī hasrat na ai dil-jū nikālī

chaman meñ bhīnī bhīnī bū ne un kī

na basne dī ga.ī shabbū nikālī

dahān-e-zaḳhm se talvār chūmī

ba-shakl-e-bosā-e-abrū nikālī

qayāmat kā shabāb us ne nikālā

'sharaf' chañgez-ḳhānī ḳhū nikālī

wo rangat tu ne ai gul-ru nikali

nichhawar ko gulon ne bu nikali

mizaj-e-bu-e-sumbul kar ke mauquf

saba nai nikhat-e-gesu nikali

na thi jaane ki us tak rah dil ki

chhuri se chir ke pahlu nikali

nikasi jab na dekhi yas dil ki

baha ke aaTh aaTh aansu nikali

hamari ruh ek rashk-e-chaman ne

sungha ke phul ki KHushbu nikali

mere sayyaad ne bulbul ki mayyat

qafas se toD ke bazu nikali

kiya us se jo KHush-chashmi ka dawa

teri jaegi aankh aahu nikali

sulaimani dikha di shan tum ne

pari-ru mang wo KHush-ru nikali

nikala husn ka arman tu ne

meri hasrat na ai dil-ju nikali

chaman mein bhini bhini bu ne un ki

na basne di gai shabbu nikali

dahan-e-zaKHm se talwar chumi

ba-shakl-e-bosa-e-abru nikali

qayamat ka shabab us ne nikala

'sharaf' changez-KHani KHu nikali