wo raushni dimagh ko dena KHayal ki

vo raushnī dimāġh ko denā ḳhayāl kī

hājat rahe mujhe na tumhāre visāl

kuchh yuuñ fanā huā huuñ mohabbat kī aag meñ

duniyā ko de chalā huuñ kahānī malāl kī

vo merī ḳhāmushī ko baḌhātā hai hashr se

rakhtā hai laaj mere lab-e-be-savāl kī

sailāb kī shikast pe hañstā huā ye shahr

aur āsmāñ pe qaus-e-quzah bhī kamāl kī

har dam havā ke saath safar kī tarañg meñ

kaisī hayāt hai mirī ḳhāk-e-fa.āl kī

'bedī' marīz dil kā huuñ aur dard kā safīr

mar jā.ūñgā na us ne agar dekh-bhāl kī

wo raushni dimagh ko dena KHayal ki

hajat rahe mujhe na tumhaare visal

kuchh yun fana hua hun mohabbat ki aag mein

duniya ko de chala hun kahani malal ki

wo meri KHamushi ko baDhata hai hashr se

rakhta hai laj mere lab-e-be-sawal ki

sailab ki shikast pe hansta hua ye shahr

aur aasman pe qaus-e-quzah bhi kamal ki

har dam hawa ke sath safar ki tarang mein

kaisi hayat hai meri KHak-e-faal ki

'bedi' mariz dil ka hun aur dard ka safir

mar jaunga na us ne agar dekh-bhaal ki