wo safai kabhi jo humse mulaqat mein thi

vo safā.ī kabhī jo ham se mulāqāt meñ thī

saaf kul sāḳhtagī us kī har ik baat meñ thī

jo bhalī aa ke kahī sehr hai samjhā na use

kal burī jo kahī dāḳhil vo karāmāt meñ thī

hai dil-e-ġhair ko us nāvak-e-mizhgāñ se ab uns

jo ki nit apne jigar-doziyoñ ke ghaat meñ thī

sunte haiñ ġhair se vo baat ba-āvāz-e-buland

kyā qayāmat hai ki jo ham se ishārāt meñ thī

kyā ġhazab hai vahī ā.īna-pan ab laakh se hai

jo safā.ī kabhī ham se kisī auqāt meñ thī

koī hājat nahīñ ab ġhair kī jo ho na ravā

ye to aage na mire qibla-e-hājāt meñ thī

itnā jūyā-e-mulāqāt na hotā thā 'lutf'

shakl nibhne kī jo kuchh thī so musāvāt meñ thī

wo safai kabhi jo hum se mulaqat mein thi

saf kul saKHtagi us ki har ek baat mein thi

jo bhali aa ke kahi sehr hai samjha na use

kal buri jo kahi daKHil wo karamat mein thi

hai dil-e-ghair ko us nawak-e-mizhgan se ab uns

jo ki nit apne jigar-doziyon ke ghat mein thi

sunte hain ghair se wo baat ba-awaz-e-buland

kya qayamat hai ki jo hum se ishaaraat mein thi

kya ghazab hai wahi aaina-pan ab lakh se hai

jo safai kabhi hum se kisi auqat mein thi

koi hajat nahin ab ghair ki jo ho na rawa

ye to aage na mere qibla-e-hajat mein thi

itna juya-e-mulaqat na hota tha 'lutf'

shakl nibhne ki jo kuchh thi so musawat mein thi