wo samar tha meri duaon ka use kis ne apna bana liya

vo samar thā merī duāoñ kā use kis ne apnā banā liyā

mirī aañkh kis ne ujaaḌ dī mirā ḳhvāb kis ne churā liyā

tujhe kyā batā.eñ ki dil-nashīñ tire ishq meñ tirī yaad meñ

kabhī guftugū rahī phuul se kabhī chāñd chhat pe bulā liyā

mujhe pahle pahle jo dekh kar tirā haal thā mujhe yaad hai

kabhī jal ga.iiñ tirī roTiyāñ kabhī haath tū ne jilā liyā

mirī jañg kī vahī jiit thī mirī fat.h kā vahī jashn thā

maiñ girā to dauḌ ke yaar ne mujhe bāzuoñ meñ uThā liyā

mirī chāñd chhūne kī hasrateñ mirī ḳhushbū hone kī ḳhvāhisheñ

tū milā to dil ko yaqīñ huā mujhe jo talab thī vo pā liyā

mire dushmanoñ kī nazar meñ bhī mirā qad baḌā hī rahā sadā

mirī maañ kī pyārī duāoñ ne mujhe zillatoñ se bachā liyā

mirī Diary mirī shā.irī jo paḌhī to paḌhte hī ro paḌī

mire paas aa ke kahā mujhe baḌā rog tū ne lagā liyā

na misāl koī na mashvara ki ye baat dil kī hai 'nayyarā’

jahāñ us kā hukm huā mujhe vahīñ maiñ ne sar ko jhukā liyā

wo samar tha meri duaon ka use kis ne apna bana liya

meri aankh kis ne ujaD di mera KHwab kis ne chura liya

tujhe kya bataen ki dil-nashin tere ishq mein teri yaad mein

kabhi guftugu rahi phul se kabhi chand chhat pe bula liya

mujhe pahle pahle jo dekh kar tera haal tha mujhe yaad hai

kabhi jal gain teri roTiyan kabhi hath tu ne jila liya

meri jang ki wahi jit thi meri fath ka wahi jashn tha

main gira to dauD ke yar ne mujhe bazuon mein uTha liya

meri chand chhune ki hasraten meri KHushbu hone ki KHwahishen

tu mila to dil ko yaqin hua mujhe jo talab thi wo pa liya

mere dushmanon ki nazar mein bhi mera qad baDa hi raha sada

meri man ki pyari duaon ne mujhe zillaton se bacha liya

meri Diary meri shairi jo paDhi to paDhte hi ro paDi

mere pas aa ke kaha mujhe baDa rog tu ne laga liya

na misal koi na mashwara ki ye baat dil ki hai 'nayyara’

jahan us ka hukm hua mujhe wahin main ne sar ko jhuka liya