wo sanjida hai ranjida nahin hai

vo sanjīda hai ranjīda nahīñ hai

mirī āñkhoñ ko kuchh dhokā nahīñ hai

na itnī jald itne bad-gumāñ ho

abhī tum ne mujhe samjhā nahīñ hai

nazar dil dhaḌkaneñ jazbāt aañsū

parāyā hai ye sab apnā nahīñ hai

kuchh aise naam bhī dil par raqam haiñ

ki jin se rabt hai rishta nahīñ hai

jo shīsha-gar huā karte the kal tak

ab un hāthoñ meñ ā.īna nahīñ hai

ḳhajil haiñ ham vafāoñ par bhī lekin

jafāoñ par vo sharminda nahīñ hai

mirī bastī hai yā ābād jañgal

makāñ maujūd ham-sāya nahīñ hai

vo apnī bhuuk hī khā leñge ik din

vo jin kai paas āzūqa nahīñ hai

nazar be-nūr hotī jā rahī hai

bahut din se tumheñ dekhā nahīñ hai

jo dil masrūf ho yādoñ meñ terī

vo tanhā.ī meñ bhī tanhā nahīñ hai

zavāl-e-ābrū bas ek zid par

tumheñ me.arāj ye zebā nahīñ hai

wo sanjida hai ranjida nahin hai

meri aankhon ko kuchh dhoka nahin hai

na itni jald itne bad-guman ho

abhi tum ne mujhe samjha nahin hai

nazar dil dhaDkanen jazbaat aansu

paraya hai ye sab apna nahin hai

kuchh aise nam bhi dil par raqam hain

ki jin se rabt hai rishta nahin hai

jo shisha-gar hua karte the kal tak

ab un hathon mein aaina nahin hai

KHajil hain hum wafaon par bhi lekin

jafaon par wo sharminda nahin hai

meri basti hai ya aabaad jangal

makan maujud ham-saya nahin hai

wo apni bhuk hi kha lenge ek din

wo jin kai pas aazuqa nahin hai

nazar be-nur hoti ja rahi hai

bahut din se tumhein dekha nahin hai

jo dil masruf ho yaadon mein teri

wo tanhai mein bhi tanha nahin hai

zawal-e-abru bas ek zid par

tumhein mearaj ye zeba nahin hai