wo shab-e-furqat mein bhi yun muskurae ja rahen hain

vo shab-e-furqat meñ bhī yuuñ muskurā.e jā raheñ haiñ

hijr ke lamhe na kyoñ ham se guzāre jā raheñ haiñ

ai ḳhudā mujh ko ijāzat de ki us ko chhū sakūñ maiñ

kab se aise chāñd ko ḳhālī nihāre jā raheñ haiñ

āsmāñ ke canvas par chāñd baaqī thā banānā

so tire chehre sā ik chehra banā.e jā raheñ haiñ

naam likkhā phir se ham ne ek panne par tumhārā

ab vahī pannā tumhīñ se ham chhupā.e jā raheñ haiñ

ishq kī ye raushnā.ī kam na ho jaa.e ke Dar se

ham charāġhoñ kī jagah par dil jalā.e jā rahe haiñ

ek vo jo bhuul se bhī phone karte haiñ na ham ko

aur pāgal ham busy number milā.e jā rahe haiñ

soch lo ārām se inkār kā koī bahānā

kaun sā ham chhoḌ kar ye shahr bhāge jā rahe haiñ

be-adab kah kar mujhe rusvā kiyā thā yaar jis ne

aaj vo har she'r par taalī ba-jā.e jā rahe haiñ

dard meñ bhī ishq par sāhab jo kahte tum ġhazal ho

lag rahā ḳhud se hī ḳhud ko aap maare jā rahe haiñ

wo shab-e-furqat mein bhi yun muskurae ja rahen hain

hijr ke lamhe na kyon hum se guzare ja rahen hain

ai KHuda mujh ko ijazat de ki us ko chhu sakun main

kab se aise chand ko KHali nihaare ja rahen hain

aasman ke canwas par chand baqi tha banana

so tere chehre sa ek chehra banae ja rahen hain

nam likkha phir se hum ne ek panne par tumhaara

ab wahi panna tumhin se hum chhupae ja rahen hain

ishq ki ye raushnai kam na ho jae ke Dar se

hum charaghon ki jagah par dil jalae ja rahe hain

ek wo jo bhul se bhi phone karte hain na hum ko

aur pagal hum busy number milae ja rahe hain

soch lo aaram se inkar ka koi bahana

kaun sa hum chhoD kar ye shahr bhage ja rahe hain

be-adab kah kar mujhe ruswa kiya tha yar jis ne

aaj wo har she'r par tali ba-jae ja rahe hain

dard mein bhi ishq par sahab jo kahte tum ghazal ho

lag raha KHud se hi KHud ko aap mare ja rahe hain