wo shab ke sae mein fasl-e-nashat kaTte hain
vo shab ke saa.e meñ fasl-e-nashāt kāTte haiñ
ham apnī zaat ke hujre meñ raat kāTte haiñ
ajiib log haiñ is ahd-e-be-muravvat ke
zabān kaaT na paa.eñ to baat kāTte haiñ
ye lamha ahl-e-mohabbat pe saḳht bhārī hai
ye lamha ahl-e-mohabbat ke saath kāTte haiñ
thakan se puurā badan chuur chuur hotā hai
pahāḌ kāTte haiñ ham ki raat kāTte haiñ
ye rañg le ke kahāñ aa ga.e ho tum 'az.har'
yahāñ to log musavvir ke haath kāTte haiñ
wo shab ke sae mein fasl-e-nashat kaTte hain
hum apni zat ke hujre mein raat kaTte hain
ajib log hain is ahd-e-be-murawwat ke
zaban kaT na paen to baat kaTte hain
ye lamha ahl-e-mohabbat pe saKHt bhaari hai
ye lamha ahl-e-mohabbat ke sath kaTte hain
thakan se pura badan chur chur hota hai
pahaD kaTte hain hum ki raat kaTte hain
ye rang le ke kahan aa gae ho tum 'azhar'
yahan to log musawwir ke hath kaTte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
