wo soz-o-saz wo naghma KHayal-o-KHwab hua

vo soz-o-sāz vo naġhma ḳhayāl-o-ḳhvāb huā

miTā ke ham ko zamāna bahut ḳharāb huā

vo shaḳhs mom kā chehra lagā.e phirtā thā

vo aaj dhuup meñ niklā to be-naqāb huā

harīm-e-nāz se aa.ī hai qahqahoñ kī sadā

mire savāl kā shāyad yahī javāb huā

hazār baar tirā shukriya ġham-e-daurāñ

hazār baar hamārā hī intiḳhāb huā

ḳhudā gavāh koī mujh sā ḳhush-nasīb nahīñ

salīb-o-dār pe jab bhī huā hisāb huā

chhuā jo phuul to 'shādāñ' ulajh ga.e kāñTe

guloñ se haath lagānā bhī ik azaab huā

wo soz-o-saz wo naghma KHayal-o-KHwab hua

miTa ke hum ko zamana bahut KHarab hua

wo shaKHs mom ka chehra lagae phirta tha

wo aaj dhup mein nikla to be-naqab hua

harim-e-naz se aai hai qahqahon ki sada

mere sawal ka shayad yahi jawab hua

hazar bar tera shukriya gham-e-dauran

hazar bar hamara hi intiKHab hua

KHuda gawah koi mujh sa KHush-nasib nahin

salib-o-dar pe jab bhi hua hisab hua

chhua jo phul to 'shadan' ulajh gae kanTe

gulon se hath lagana bhi ek azab hua