wo tara sab se chamkila wo tara to nahin hun main

vo taarā sab se chamkīlā vo taarā to nahīñ huuñ maiñ

is andhere ufuq par khoyā khoyā sā makīñ huuñ maiñ

qadam apnā baḌhātā huuñ vatan apnā badaltā huuñ

magar yādoñ ke ġhamgīñ rāste par rah-nashīñ huuñ maiñ

jahāñ chaltā nahīñ koī safar kartā nahīñ koī

bayābāñ bhī gulistāñ bhī vo anjānī zamīñ huuñ maiñ

ḳhamoshī ham-zabāñ merī ḳharābī ham-safar merī

Darūñ kyoñ gumrahī se gumrahī ka ham-nashīñ huuñ maiñ

tū mahfil meñ nahīñ shāmil batā 'rāhī' kahāñ hai tū

ġhubār-ālūd se is tāq-e-nisyāñ par vahīñ huuñ maiñ

wo tara sab se chamkila wo tara to nahin hun main

is andhere ufuq par khoya khoya sa makin hun main

qadam apna baDhata hun watan apna badalta hun

magar yaadon ke ghamgin raste par rah-nashin hun main

jahan chalta nahin koi safar karta nahin koi

bayaban bhi gulistan bhi wo anjaani zamin hun main

KHamoshi ham-zaban meri KHarabi ham-safar meri

Darun kyon gumrahi se gumrahi ka ham-nashin hun main

tu mahfil mein nahin shamil bata 'rahi' kahan hai tu

ghubar-alud se is taq-e-nisyan par wahin hun main