wo tamam rang ana ke the wo umang sari lahu se thi

vo tamām rañg anā ke the vo umañg saarī lahū se thī

vo jo rabt-zabt guloñ se thā jo duā-salām subū se thī

koī aur baat hī kufr thī koī aur zikr hī shirk thā

jo kisī se vāda-e-dīd thā to tamām shab hī vazū se thī

na kisī ne zaḳhm kī daad dī na kisī ne chāk-e-rafū kiyā

mile ham ko jitne bhī baḳhiya-gar unheñ fikr apne rafū se thī

tire mutriboñ ko ḳhudā rakhe magar ab kahāñ tirī bazm meñ

koī sur jo mere suḳhan meñ thā koī lai jo mere lahū se thī

sar-e-kārzār khaḌe ho 'shauq' to yuuñ hī siina super raho

ki vo log kaun se bach ga.e jinheñ ehtiyāt adū se thī

wo tamam rang ana ke the wo umang sari lahu se thi

wo jo rabt-zabt gulon se tha jo dua-salam subu se thi

koi aur baat hi kufr thi koi aur zikr hi shirk tha

jo kisi se wada-e-did tha to tamam shab hi wazu se thi

na kisi ne zaKHm ki dad di na kisi ne chaak-e-rafu kiya

mile hum ko jitne bhi baKHiya-gar unhen fikr apne rafu se thi

tere mutribon ko KHuda rakhe magar ab kahan teri bazm mein

koi sur jo mere suKHan mein tha koi lai jo mere lahu se thi

sar-e-karzar khaDe ho 'shauq' to yun hi sina super raho

ki wo log kaun se bach gae jinhen ehtiyat adu se thi