wo tamasha aap ki jadu-bayani se hua

vo tamāshā aap kī jādū-bayānī se huā

ek sannāTā hamārī be-zabānī se huā

ek pal meñ uTh ga.e parde ka.ī asrār se

vo na hotā jo zarā sī bad-gumānī se huā

baḌh ga.ī kuchh tāqat-e-guftār bhī raftār se

shor paidā mauj-e-dariyā meñ ravānī se huā

uḌ ga.ī ḳhushbū havā meñ dhuup rañgat le uḌī

fā.eda kyā ḳhāk-e-gul kī pāsbānī se huā

jo bhī honā thā huā lekin ye hairat hai 'shahāb'

aap jaise mehrbāñ kī mehrbānī se huā

wo tamasha aap ki jadu-bayani se hua

ek sannaTa hamari be-zabani se hua

ek pal mein uTh gae parde kai asrar se

wo na hota jo zara si bad-gumani se hua

baDh gai kuchh taqat-e-guftar bhi raftar se

shor paida mauj-e-dariya mein rawani se hua

uD gai KHushbu hawa mein dhup rangat le uDi

faeda kya KHak-e-gul ki pasbani se hua

jo bhi hona tha hua lekin ye hairat hai 'shahab'

aap jaise mehrban ki mehrbani se hua