wo tera shahr tere shahr ka har rang juda yaad aaya

vo tirā shahr tire shahr kā har rang judā yaad aayā

aañkh band hote hī ik manzar-e-tamsīl-numā yaad aayā

be-niyāzāna vo dildārī-e-jāñ pursish-e-ġham kī koshish

aañkh bhar aa.ī hai jab jab tirā andāz-e-vafā yaad aayā

jab dil-e-zār har ik chiiz se thak haar ke uktā sā gayā

ek ik pal jo tire saath guzārā thā baḌā yaad aayā

sub.h-dam sahn-e-vatan naġhma-e-murġhān-e-chaman se māmūr

aisī pur-shor sī tanhā.ī meñ to had se sivā yaad aayā

rang kī qaus-e-quzah jab kabhī bādal kī jabīñ par ubhrī

vo mirā sho.ala-suḳhan dilbar-e-rañgīn-qabā yaad aayā

wo tera shahr tere shahr ka har rang juda yaad aaya

aankh band hote hi ek manzar-e-tamsil-numa yaad aaya

be-niyazana wo dildari-e-jaan pursish-e-gham ki koshish

aankh bhar aai hai jab jab tera andaz-e-wafa yaad aaya

jab dil-e-zar har ek chiz se thak haar ke ukta sa gaya

ek ek pal jo tere sath guzara tha baDa yaad aaya

subh-dam sahn-e-watan naghma-e-murghan-e-chaman se mamur

aisi pur-shor si tanhai mein to had se siwa yaad aaya

rang ki qaus-e-quzah jab kabhi baadal ki jabin par ubhri

wo mera shoala-suKHan dilbar-e-rangin-qaba yaad aaya