wo to har chahne wale pe fida lagta hai

vo to har chāhne vaale pe fidā lagtā hai

jaane kis kis kā hai jo mujh ko mirā lagtā hai

us ne qadmoñ meñ sajā rakkhe haiñ ummīd ke phuul

dekhne vāloñ ko jo ābla-pā lagtā hai

ab na sun pā.egā vo merī sadā.eñ shāyad

vo kahīñ duur bahut duur gayā lagtā hai

par jo phailātā nahīñ ḳhauf se apne panchhī

taaza taaza kisī piñjre se uḌā lagtā hai

ye jo ham jaisā hī insān hai insān abhī

is ko masnad pe biThā deñ to judā lagtā hai

maiñ bhulā detā huuñ har baar jafā.eñ us kī

jab bhī siine se mire TuuT ke aa lagtā hai

aao is pyaar ko ham āḳhirī pursa de deñ

is tarah chhoḌ ke jaanā to burā lagtā hai

wo to har chahne wale pe fida lagta hai

jaane kis kis ka hai jo mujh ko mera lagta hai

us ne qadmon mein saja rakkhe hain ummid ke phul

dekhne walon ko jo aabla-pa lagta hai

ab na sun paega wo meri sadaen shayad

wo kahin dur bahut dur gaya lagta hai

par jo phailata nahin KHauf se apne panchhi

taza taza kisi pinjre se uDa lagta hai

ye jo hum jaisa hi insan hai insan abhi

is ko masnad pe biTha den to juda lagta hai

main bhula deta hun har bar jafaen us ki

jab bhi sine se mere TuT ke aa lagta hai

aao is pyar ko hum aaKHiri pursa de den

is tarah chhoD ke jaana to bura lagta hai