wo to hashr tha magar uski ab wo shabahaten bhi chali gain

vo to hashr thā magar us kī ab vo shabāhateñ bhī chalī ga.iiñ

jo raheñ to shahr meñ kyā raheñ ki qayāmateñ bhī chalī ga.iiñ

tire dam se thiiñ sabhī raunaqeñ vo habīb the ki raqīb the

vo qarābateñ to ga.ī hī thiiñ vo riqābateñ bhī chalī ga.iiñ

tirā qurb garche thā jāñ-gusil vahī qurb thā mirī zindagī

tire baa'd marg-o-hayāt kī vo rifāqateñ bhī chalī ga.iiñ

mirī aarzū thī ki jāñ-ba-kaf mirī justujū ki nafas ba-pā

ab ai zindagī mujhe chhoḌ jā ki ye hālateñ bhī chalī ga.iiñ

tū ne dī jo dard kī daulateñ vo ġhazal ġhazal na samā sakīñ

mire haath se tire husn kī ye virāsateñ bhī chalī ga.iiñ

use dekh dekh ke sochnā use soch soch ke dekhnā

vo aziiz kyā ki azīz-tar ka.ī ādateñ bhī chalī ga.iiñ

wo to hashr tha magar us ki ab wo shabahaten bhi chali gain

jo rahen to shahr mein kya rahen ki qayamaten bhi chali gain

tere dam se thin sabhi raunaqen wo habib the ki raqib the

wo qarabaten to gai hi thin wo riqabaten bhi chali gain

tera qurb garche tha jaan-gusil wahi qurb tha meri zindagi

tere ba'd marg-o-hayat ki wo rifaqaten bhi chali gain

meri aarzu thi ki jaan-ba-kaf meri justuju ki nafas ba-pa

ab ai zindagi mujhe chhoD ja ki ye haalaten bhi chali gain

tu ne di jo dard ki daulaten wo ghazal ghazal na sama sakin

mere hath se tere husn ki ye wirasaten bhi chali gain

use dekh dekh ke sochna use soch soch ke dekhna

wo aziz kya ki aziz-tar kai aadaten bhi chali gain