wo tulua-e-manzar-e-pur-asar tujhe yaad ho ki na yaad ho

vo tulūa-e-manzar-e-pur-asar tujhe yaad ho ki na yaad ho

vo vidā-e-shab vo na.ī sahar tujhe yaad ho ki na yaad ho

kabhī chāñd tāroñ meñ DhūñDhnā kabhī māh-pāroñ meñ dekhnā

vo talāsh-e-jalva-e-mo'atabar tujhe yaad ho ki na yaad ho

thiiñ suḳhan suḳhan tirī rif.ateñ vo ġhazal ġhazal tirī nik.hateñ

thā tū sher sher meñ jalva-gar tujhe yaad ho ki na yaad ho

vahī ashk-rez rivāyateñ vo vidā.a kī burī sā.ateñ

thā ajiib manzar-e-ġham-asar tujhe yaad ho ki na yaad ho

tire ġhamze ġhamze kā ilm thā tirī har adā se thā āshnā

vo mirī basārat-e-bā-ḳhabar tujhe yaad ho ki na yaad ho

tirā jāñ-nisār thā aur huuñ usī tarah huuñ usī taur huuñ

maiñ 'suhaib' shā.ir-e-dīda-var tujhe yaad ho ki na yaad ho

wo tulua-e-manzar-e-pur-asar tujhe yaad ho ki na yaad ho

wo wida-e-shab wo nai sahar tujhe yaad ho ki na yaad ho

kabhi chand taron mein DhunDhna kabhi mah-paron mein dekhna

wo talash-e-jalwa-e-mo'atabar tujhe yaad ho ki na yaad ho

thin suKHan suKHan teri rifaten wo ghazal ghazal teri nikhaten

tha tu sher sher mein jalwa-gar tujhe yaad ho ki na yaad ho

wahi ashk-rez riwayaten wo widaa ki buri saaten

tha ajib manzar-e-gham-asar tujhe yaad ho ki na yaad ho

tere ghamze ghamze ka ilm tha teri har ada se tha aashna

wo meri basarat-e-ba-KHabar tujhe yaad ho ki na yaad ho

tera jaan-nisar tha aur hun usi tarah hun usi taur hun

main 'suhaib' shair-e-dida-war tujhe yaad ho ki na yaad ho