wo turk-e-mast kisu ki KHabar nahin rakhta

vo turk-e-mast kisū kī ḳhabar nahīñ rakhtā

ki maiñ shikār-e-zubūñ huuñ jigar nahīñ rakhtā

balā se aañkh jo paḌtī hai us kī das jāgah

hamārā haal to madd-e-nazar nahīñ rakhtā

rahe na kyūñke ye dil bāḳhtā sadā tanhā

ki koī aave kahāñ maiñ to ghar nahīñ rakhtā

jinhoñ ke dam meñ hai tāsīr aur ve haiñ log

hamārā nāla-e-jāñ-kāh asar nahīñ rakhtā

kaheñ haiñ ab ke bahut rang uḌ chalā gul kā

hazār-haif ki maiñ bāl-o-par nahīñ rakhtā

to koī zor hī nusḳha hai ai mufarrah-e-dil

ki tab-e-ishq meñ hargiz zarar nahīñ rakhtā

ḳhudā kī or se hai sab ye e.atibār arna

jo ḳhuub dekho to maiñ kuchh hunar nahīñ rakhtā

ġhalat hai da.av-e-ishq us fuzūl kā be-raib

jo koī ḳhushk-lab aur chashm-e-tar nahīñ rakhtā

judā judā phire hai 'mīr' sab se kis ḳhātir

ḳhayāl milne kā us ke agar nahīñ rakhtā

wo turk-e-mast kisu ki KHabar nahin rakhta

ki main shikar-e-zubun hun jigar nahin rakhta

bala se aankh jo paDti hai us ki das jagah

hamara haal to madd-e-nazar nahin rakhta

rahe na kyunke ye dil baKHta sada tanha

ki koi aawe kahan main to ghar nahin rakhta

jinhon ke dam mein hai tasir aur we hain log

hamara nala-e-jaan-kah asar nahin rakhta

kahen hain ab ke bahut rang uD chala gul ka

hazar-haif ki main baal-o-par nahin rakhta

to koi zor hi nusKHa hai ai mufarrah-e-dil

ki tab-e-ishq mein hargiz zarar nahin rakhta

KHuda ki or se hai sab ye eatibar arna

jo KHub dekho to main kuchh hunar nahin rakhta

ghalat hai daw-e-ishq us fuzul ka be-raib

jo koi KHushk-lab aur chashm-e-tar nahin rakhta

juda juda phire hai 'mir' sab se kis KHatir

KHayal milne ka us ke agar nahin rakhta