wo wasl ki lazzat mein gum hai wo soz-e-judai kya jaane

vo vasl kī lazzat meñ gum hai vo soz-e-judā.ī kyā jaane

vo rog parāyā kyā samjhe vo priit parā.ī kyā jaane

parvāna-e-husn kā shaidā.ī paapī bhañvrā ras kā lobhī

chāhat ko saudā.ī samjhe us ko harjā.ī kyā jaane

mahfil meñ jise ma.alūm nahīñ ehsās kī karvaT kyā shai hai

vo dil kī suunī vaadī meñ ġham kī añgḌā.ī kyā jaane

ye ḳhāk-ālūd javāñ chehre gul jin kī qasmeñ khāte haiñ

jo ārā.ish par martā ho un kī ra.anā.ī kyā jaane

'ārif' apnā rāz-e-ulfat yuuñ hai jaise muñh-band kalī

ye bhed zamāna kyā samjhe ye raaz ḳhudā.ī kyā jaane

wo wasl ki lazzat mein gum hai wo soz-e-judai kya jaane

wo rog paraya kya samjhe wo prit parai kya jaane

parwana-e-husn ka shaidai papi bhanwra ras ka lobhi

chahat ko saudai samjhe us ko harjai kya jaane

mahfil mein jise malum nahin ehsas ki karwaT kya shai hai

wo dil ki suni wadi mein gham ki angDai kya jaane

ye KHak-alud jawan chehre gul jin ki qasmen khate hain

jo aaraish par marta ho un ki ranai kya jaane

'arif' apna raaz-e-ulfat yun hai jaise munh-band kali

ye bhed zamana kya samjhe ye raaz KHudai kya jaane