wo yaqin phir kisi chehre pe nazar aaega

vo yaqīñ phir kisī chehre pe nazar aa.egā

jo mire ḳhvāb kī ta.abīr sunā jā.egā

jhiil sī āñkhoñ meñ khil jaa.eñ umīdoñ ke kañval

jin se ye mehr-e-jahāñ-tāb bhī sharmā.egā

phir likhī jā.egī in chāñd se chehroñ kī kitāb

vaqt safhāt palaTtā huā rah jā.egā

dard kī shab hai guzar jā.egī pal-do-pal meñ

ik sitāra sar-e-mizhgāñ jo Thahar jā.egā

qahr dhāte haiñ mirī zaat pe sarkash lamhe

gar mudāvā na kiyā hausla pachhtā.egā

zer-e-ḳhanjar bhī mujhe yaad rahegā vo shaḳhs

jo mirī laash ko apnā adū Thahrā.egā

shāyad is baat kā ilzām mujhī par aa.e

gar kabhī koī mo.arriḳh ise dohrā.egā

wo yaqin phir kisi chehre pe nazar aaega

jo mere KHwab ki tabir suna jaega

jhil si aankhon mein khil jaen umidon ke kanwal

jin se ye mehr-e-jahan-tab bhi sharmaega

phir likhi jaegi in chand se chehron ki kitab

waqt safhat palaTta hua rah jaega

dard ki shab hai guzar jaegi pal-do-pal mein

ek sitara sar-e-mizhgan jo Thahar jaega

qahr dhate hain meri zat pe sarkash lamhe

gar mudawa na kiya hausla pachhtaega

zer-e-KHanjar bhi mujhe yaad rahega wo shaKHs

jo meri lash ko apna adu Thahraega

shayad is baat ka ilzam mujhi par aae

gar kabhi koi moarriKH ise dohraega