wo zaKHm chhoDo ab is ka nishan baqi nahin

vo zaḳhm chhoḌo ab is kā nishān baaqī nahīñ

so mere haq meñ koī bhī bayān baaqī nahīñ

bachche haiñ fāsle biich apne so nibhā.eñge

sivā.e un ke to kuchh darmiyān baaqī nahīñ

kareñge kyā bhalā kirdār vo purāne sab

purānī aaj vo jab dāstān baaqī nahīñ

zamīñ ne pair mire bāñdh kar nahīñ rakhe

mirī uḌaan meñ hī āsmān baaqī nahīñ

wo zaKHm chhoDo ab is ka nishan baqi nahin

so mere haq mein koi bhi bayan baqi nahin

bachche hain fasle bich apne so nibhaenge

siwae un ke to kuchh darmiyan baqi nahin

karenge kya bhala kirdar wo purane sab

purani aaj wo jab dastan baqi nahin

zamin ne pair mere bandh kar nahin rakhe

meri uDan mein hi aasman baqi nahin