wo zulf apni uDa raha tha

vo zulf apnī uḌā rahā thā

ghaTā ko shāyad chiḌhā rahā thā

jahāñ ye ham ko samajh na aayā

jo thā nahīñ vo dikhā rahā thā

jahāñ meñ sab thā maiñ hī alag thā

miTā huā maiñ miTā rahā thā

ġhalat hai kuchh to sahī hai kyā kuchh

havā meñ bāteñ uḌā rahā thā

hayāt ko kyoñ samajh rahā thā

thī baat chhoTī baḌhā rahā thā

'ajab thā pāgal ye man mirā bhī

jo gum thā us se Darā rahā thā

amaañ kā sachchā thā aa.ina bhī

jo dikh rahā thā dikhā rahā thā

ġhazab jiyālā thā baap vo bhī

jo ḳhud kī hasrat miTā rahā thā

wo zulf apni uDa raha tha

ghaTa ko shayad chiDha raha tha

jahan ye hum ko samajh na aaya

jo tha nahin wo dikha raha tha

jahan mein sab tha main hi alag tha

miTa hua main miTa raha tha

ghalat hai kuchh to sahi hai kya kuchh

hawa mein baaten uDa raha tha

hayat ko kyon samajh raha tha

thi baat chhoTi baDha raha tha

'ajab tha pagal ye man mera bhi

jo gum tha us se Dara raha tha

aman ka sachcha tha aaina bhi

jo dikh raha tha dikha raha tha

ghazab jiyala tha bap wo bhi

jo KHud ki hasrat miTa raha tha