وہ زلفیں جس گھڑی لہرا کے چھت پر سامنے آئے

وہ زلفیں جس گھڑی لہرا کے چھت پر سامنے آئے

طواف حسن کرنے پھر کبوتر سامنے آئے

کیا کرتا تھا میں جن کی وفاداری پہ ناز اکثر

سر میداں وہی احباب کھل کر سامنے آئے

کچل ڈالا تھا دنیا نے جنہیں مغرور قدموں سے

وہی ذرے مثال ماہ و اختر سامنے آئے

ہمیں تو بس تمہارے نقش پا پر چلتے رہنا ہے

ہمیں کیا منزل آئے کتنے پتھر سامنے آئے

مری خواہش یہ رہتی ہے کی ہر پل فکر میں میرے

مرے محبوب کا روئے منور سامنے آئے

سر محفل کیا اعلان اس نے پارسائی کا

دل مضطر کی باتوں میں دلاور سامنے آئے