wo zulfen jis ghaDi lahra ke chhat par samne aae

vo zulfeñ jis ghaḌī lahrā ke chhat par sāmne aa.e

tavāf-e-husn karne phir kabūtar sāmne aa.e

kiyā kartā thā maiñ jin kī vafādārī pe naaz aksar

sar-e-maidāñ vahī ahbāb khul kar sāmne aa.e

kuchal Daalā thā duniyā ne jinheñ maġhrūr qadmoñ se

vahī zarre misāl-e-māh-o-aḳhtar sāmne aa.e

hameñ to bas tumhāre naqsh-e-pā par chalte rahnā hai

hameñ kyā manzil aa.e kitne patthar sāmne aa.e

mirī ḳhvāhish ye rahtī hai kī har pal fikr meñ mere

mire mahbūb kā rū-e-munavvar sāmne aa.e

sar-e-mahfil kiyā e'lān us ne pārsā.ī kā

dil-e-muztar kī bātoñ meñ dilāvar sāmne aa.e

wo zulfen jis ghaDi lahra ke chhat par samne aae

tawaf-e-husn karne phir kabutar samne aae

kiya karta tha main jin ki wafadari pe naz aksar

sar-e-maidan wahi ahbab khul kar samne aae

kuchal Dala tha duniya ne jinhen maghrur qadmon se

wahi zarre misal-e-mah-o-aKHtar samne aae

hamein to bas tumhaare naqsh-e-pa par chalte rahna hai

hamein kya manzil aae kitne patthar samne aae

meri KHwahish ye rahti hai ki har pal fikr mein mere

mere mahbub ka ru-e-munawwar samne aae

sar-e-mahfil kiya e'lan us ne parsai ka

dil-e-muztar ki baaton mein dilawar samne aae