ya-ilahi murad bar aae

yā-ilāhī murād bar aa.e

aaj mehmān koī ghar aa.e

jo miTā de diloñ kī tārīkī

koī aisī bhī to sahar aa.e

is liye bhī bhalī hai be-ḳhabarī

kyā ḳhabar aaj kyā ḳhabar aa.e

ibtidā ho rahī hai jis kī abhī

yā-ḳhudā raas vo safar aa.e

kyoñ kare chaah phir vo manzil kī

jis ke hisse hasīñ Dagar aa.e

ya-ilahi murad bar aae

aaj mehman koi ghar aae

jo miTa de dilon ki tariki

koi aisi bhi to sahar aae

is liye bhi bhali hai be-KHabari

kya KHabar aaj kya KHabar aae

ibtida ho rahi hai jis ki abhi

ya-KHuda ras wo safar aae

kyon kare chah phir wo manzil ki

jis ke hisse hasin Dagar aae