ya-rab mere mazi ka KHasara mujhe mil jae

yā-rab mire maazī kā ḳhasāra mujhe mil jaa.e

khoī thī mohabbat jo dubāra mujhe mil jaa.e

jo 'ishq ke qaidī haiñ rihā.ī unheñ dūñgā

duniyā pe kisī din jo ijāra mujhe mil jaa.e

sab chhoḌne ko aaj bhī tayyār khaḌā huuñ

us samt se bas ek ishāra mujhe mil jaa.e

us aañkh kā mai-ḳhāne meñ jab zikr chhiḌā to

har rind ne mahfil meñ pukārā mujhe mil jaa.e

sardī hai december bhī hai mausam bhī hasīñ hai

aise meñ agar saath tumhārā mujhe mil jaa.e

duniyā ko maiñ pā kar ye du'ā maañg rahā huuñ

vo shaḳhs jo duniyā pe thā vaarā mujhe mil jaa.e

kyā aañkh hai kyā gaal haiñ kyā zulf hai kyā lab

ai kaash ki vo saare kā saarā mujhe mil jaa.e

ya-rab mere mazi ka KHasara mujhe mil jae

khoi thi mohabbat jo dubara mujhe mil jae

jo 'ishq ke qaidi hain rihai unhen dunga

duniya pe kisi din jo ijara mujhe mil jae

sab chhoDne ko aaj bhi tayyar khaDa hun

us samt se bas ek ishaara mujhe mil jae

us aankh ka mai-KHane mein jab zikr chhiDa to

har rind ne mahfil mein pukara mujhe mil jae

sardi hai december bhi hai mausam bhi hasin hai

aise mein agar sath tumhaara mujhe mil jae

duniya ko main pa kar ye du'a mang raha hun

wo shaKHs jo duniya pe tha wara mujhe mil jae

kya aankh hai kya gal hain kya zulf hai kya lab

ai kash ki wo sare ka sara mujhe mil jae