ya thi hawas-e-visal din raat

yā thī havas-e-visāl din raat

yā rahne lagā malāl din raat

bechain rakhe hai mere dil ko

kāfir ye tirā ḳhayāl din raat

rahtā hai mirī zabāñ pe tujh-bin

afsāna-e-zulf-o-ḳhāl din raat

dekhūñ huuñ ba-nuqta-e-tasavvur

milne kī tire hī faal din raat

āñkhoñ meñ phire hai juuñ mah-e-īd

abrū kā tire hilāl din raat

vo said huuñ maiñ rahe hai jis ke

andeshe kā sar pe jaal din raat

āñkhoñ ke tale mirī phire hai

ab tak vahī bol-chāl din raat

jis sabza-e-murġh-zār meñ thā

raqsinda mirā ġhazāl din raat

jaulānī-e-dard-o-ġham se ab yaañ

vo sabza hai pā.emāl din raat

gar tū hī nahīñ to kyuuñ jiyūñ maiñ

hai ziist mujhe vabāl din raat

furqat meñ tirī hai 'mus.hafī' ko

likhnā yahī hasb-e-hāl din raat

ya thi hawas-e-visal din raat

ya rahne laga malal din raat

bechain rakhe hai mere dil ko

kafir ye tera KHayal din raat

rahta hai meri zaban pe tujh-bin

afsana-e-zulf-o-KHal din raat

dekhun hun ba-nuqta-e-tasawwur

milne ki tere hi fal din raat

aankhon mein phire hai jun mah-e-id

abru ka tere hilal din raat

wo said hun main rahe hai jis ke

andeshe ka sar pe jal din raat

aankhon ke tale meri phire hai

ab tak wahi bol-chaal din raat

jis sabza-e-murgh-zar mein tha

raqsinda mera ghazal din raat

jaulani-e-dard-o-gham se ab yan

wo sabza hai paemal din raat

gar tu hi nahin to kyun jiyun main

hai zist mujhe wabaal din raat

furqat mein teri hai 'mushafi' ko

likhna yahi hasb-e-haal din raat