ya wasl mein rakhiye mujhe ya apni hawas mein

yā vasl meñ rakhiye mujhe yā apnī havas meñ

jo chāhiye so kījiye huuñ aap ke bas meñ

ye jā-e-tarahhum hai agar samjhe tū sayyād

maiñ aur phañsūñ is tarah is kunj-e-qafas meñ

aatī hai nazar us kī tajallī hameñ zāhid

har chiiz meñ har sañg meñ har ḳhaar meñ ḳhas meñ

har raat machāte phireñ haiñ shauq se dhūmeñ

ye mast-e-mai-e-ishq haiñ kab ḳhauf-e-asas meñ

kyā pūchhte ho umr kaTī kis tarah apnī

juz dard na dekhā kabhū is tiis baras meñ

har baat meñ ye jaldī hai har nukte meñ isrār

duniyā se nirālī haiñ ġharaz terī to rasmeñ

dushman ko tire gāḌūñ maiñ ai jān-e-jahāñ bas

tū mujh ko dilāyā na kar is taur kī qasmeñ

'inshā' tire gar gosh asam hoñ na to aave

āvāz tire yaar kī har bāñg-e-jaras meñ

ya wasl mein rakhiye mujhe ya apni hawas mein

jo chahiye so kijiye hun aap ke bas mein

ye ja-e-tarahhum hai agar samjhe tu sayyaad

main aur phansun is tarah is kunj-e-qafas mein

aati hai nazar us ki tajalli hamein zahid

har chiz mein har sang mein har KHar mein KHas mein

har raat machate phiren hain shauq se dhumen

ye mast-e-mai-e-ishq hain kab KHauf-e-asas mein

kya puchhte ho umr kaTi kis tarah apni

juz dard na dekha kabhu is tis baras mein

har baat mein ye jaldi hai har nukte mein israr

duniya se nirali hain gharaz teri to rasmen

dushman ko tere gaDun main ai jaan-e-jahan bas

tu mujh ko dilaya na kar is taur ki qasmen

'insha' tere gar gosh asam hon na to aawe

aawaz tere yar ki har bang-e-jaras mein