yaad aai wo zulf-e-pareshan

yaad aa.ī vo zulf-e-pareshāñ

kaT jā.egī ab shab-e-hijrāñ

mere ba.ad ai jalva-e-jānāñ

kaun karegā dāvat-e-mizhgāñ

terā gila kyā gesū-e-jānāñ

maiñ bhī pareshāñ tū bhī pareshāñ

kis ne dekhā zaḳhm guloñ kā

karte rahe sab sair-e-gulistāñ

dekh qafas meñ aag lagī hai

abr-e-bahārāñ abr-e-bahārāñ

apnī jafā par apnī vafā par

vo bhī pashemāñ ham bhī pashemāñ

ek jigar ke daaġh se raushan

terā shabistāñ merā shabistāñ

mar kar jiinā tū ne sikhāyā

ai ġham-e-jānāñ ai ġham-e-jānāñ

yaad aai wo zulf-e-pareshan

kaT jaegi ab shab-e-hijran

mere baad ai jalwa-e-jaanan

kaun karega dawat-e-mizhgan

tera gila kya gesu-e-jaanan

main bhi pareshan tu bhi pareshan

kis ne dekha zaKHm gulon ka

karte rahe sab sair-e-gulistan

dekh qafas mein aag lagi hai

abr-e-bahaaran abr-e-bahaaran

apni jafa par apni wafa par

wo bhi pasheman hum bhi pasheman

ek jigar ke dagh se raushan

tera shabistan mera shabistan

mar kar jina tu ne sikhaya

ai gham-e-jaanan ai gham-e-jaanan