yaad to aae kai chehre har ek gam ke baad

yaad to aa.e ka.ī chehre har ik gaam ke ba.ad

koī bhī naam kahāñ aayā tire naam ke ba.ad

dasht-o-dariyā meñ kabhī gulshan-e-sahrā meñ kabhī

maiñ rahā mahv-e-safar ik tire paiġhām ke ba.ad

gāmzan rāh-e-junūñ par haiñ to phir sochnā kyā

kisī anjām se pahle kisī anjām ke ba.ad

dil kā har kaam faqat us kī nazar kartī hai

naam aatā hai magar merā har ilzām ke ba.ad

merī be-tābī-e-dil merā muqaddar Thahrī

shab-e-ālām se pahle shab-e-ālām ke ba.ad

kaam letā hai mujhī se vo musībat meñ sadā

bhuul jaatā hai magar mujh ko mire kaam ke ba.ad

bārhā us ne mirā naam miTāyā 'anjum'

ro paḌā phir vo har ik baar isī kaam ke ba.ad

yaad to aae kai chehre har ek gam ke baad

koi bhi nam kahan aaya tere nam ke baad

dasht-o-dariya mein kabhi gulshan-e-sahra mein kabhi

main raha mahw-e-safar ek tere paigham ke baad

gamzan rah-e-junun par hain to phir sochna kya

kisi anjam se pahle kisi anjam ke baad

dil ka har kaam faqat us ki nazar karti hai

nam aata hai magar mera har ilzam ke baad

meri be-tabi-e-dil mera muqaddar Thahri

shab-e-alam se pahle shab-e-alam ke baad

kaam leta hai mujhi se wo musibat mein sada

bhul jata hai magar mujh ko mere kaam ke baad

barha us ne mera nam miTaya 'anjum'

ro paDa phir wo har ek bar isi kaam ke baad