yaad ye kis ki aa gai zehn ka bojh utar gaya

yaad ye kis kī aa ga.ī zehn kā bojh utar gayā

saare hī ġham bhulā ga.ī zehn kā bojh utar gayā

zindagī kyā hai ġham hai kyā sochte sochte yūñhī

mujh ko hañsī jo aa ga.ī zehn kā bojh utar gayā

shām-e-firāq meñ mujhe tere hī ġham ke faiz se

niind achānak aa ga.ī zehn kā bojh utar gayā

aaj vafā ke saaz par kaun ye ibrat-e-suḳhan

merī ġhazal sunā ga.ī zehn kā bojh utar gayā

shiddat-e-ranj-o-yās meñ bhūlī huī koī ḳhushī

itnā mujhe rulā ga.ī zehn kā bojh utar gayā

achchhā huā ki dil kī baat aaj kisī ke rū-ba-rū

merī zabāñ tak aa ga.ī zehn kā bojh utar gayā

ye bhī ḳhudā kā fazl hai merī navā-e-zindagī

auroñ ke kaam aa ga.ī zehn kā bojh utar gayā

kashmakash-e-hayāt meñ had se baḌhīñ jo uljhaneñ

aap kī yaad aa ga.ī zehn kā bojh utar gayā

'razmī'-e-be-qarār ko ahl-e-ḳhulūs kī nazar

pyaar se jab silā ga.ī zehn kā bojh utar gayā

yaad ye kis ki aa gai zehn ka bojh utar gaya

sare hi gham bhula gai zehn ka bojh utar gaya

zindagi kya hai gham hai kya sochte sochte yunhi

mujh ko hansi jo aa gai zehn ka bojh utar gaya

sham-e-firaq mein mujhe tere hi gham ke faiz se

nind achanak aa gai zehn ka bojh utar gaya

aaj wafa ke saz par kaun ye ibrat-e-suKHan

meri ghazal suna gai zehn ka bojh utar gaya

shiddat-e-ranj-o-yas mein bhuli hui koi KHushi

itna mujhe rula gai zehn ka bojh utar gaya

achchha hua ki dil ki baat aaj kisi ke ru-ba-ru

meri zaban tak aa gai zehn ka bojh utar gaya

ye bhi KHuda ka fazl hai meri nawa-e-zindagi

auron ke kaam aa gai zehn ka bojh utar gaya

kashmakash-e-hayat mein had se baDhin jo uljhanen

aap ki yaad aa gai zehn ka bojh utar gaya

'razmi'-e-be-qarar ko ahl-e-KHulus ki nazar

pyar se jab sila gai zehn ka bojh utar gaya