yaadon ka jazira shab-e-tanhai mein

yādoñ kā jazīra shab-e-tanhā.ī meñ

masrūf hai yādoñ kī pazīrā.ī meñ

ab bhī vahī iz.hār-e-taġhāful kā mizāj

ab bhī vahī andesha shanāsā.ī meñ

isbāt nafī ho ki nafī ho isbāt

kyuuñ jā.ūñ maiñ alfāz kī gahrā.ī meñ

kuchh log to manzil kī ḳhabar bhī le aa.e

ham mast rahe lazzat-e-ḳhud-rā.ī meñ

chhoḌūñ bhī ḳhayāl un kā to kyā hāsil ho

kyā ḳhaak kamī aa.egī rusvā.ī meñ

aane meñ masīhā ko thā pahle hī hijāb

nāseh bhī thā andesha-e-rusvā.ī meñ

tafrīq ke ḳhūgar to sabhī ek hue

masrūf haiñ ham log saf-ārā.ī meñ

kis darja masarrat hai ki ab ḳhūn-e-'shahīd'

kaam aayā tirī anjuman-ārā.ī meñ

yaadon ka jazira shab-e-tanhai mein

masruf hai yaadon ki pazirai mein

ab bhi wahi izhaar-e-taghaful ka mizaj

ab bhi wahi andesha shanasai mein

isbaat nafi ho ki nafi ho isbaat

kyun jaun main alfaz ki gahrai mein

kuchh log to manzil ki KHabar bhi le aae

hum mast rahe lazzat-e-KHud-rai mein

chhoDun bhi KHayal un ka to kya hasil ho

kya KHak kami aaegi ruswai mein

aane mein masiha ko tha pahle hi hijab

naseh bhi tha andesha-e-ruswai mein

tafriq ke KHugar to sabhi ek hue

masruf hain hum log saf-arai mein

kis darja masarrat hai ki ab KHun-e-'shahid'

kaam aaya teri anjuman-arai mein