yaadon ke darichon se bite ayyam ki KHushbu aati hai

yādoñ ke darīchoñ se biite ayyām kī ḳhushbū aatī hai

taskīn ke jhoñke aate haiñ ārām kī ḳhushbū aatī hai

kuchh bol ki mustaqbil kī girah ham be-ḳhabroñ pe khul jaa.e

saaqī tirī mīThī bātoñ se ilhām kī ḳhushbū aatī hai

kis gulshan-e-ġhair-arzī meñ mujhe rahvār-e-sabā le aayā hai

har samt se mujh ko ek gul-e-be-nām kī ḳhushbū aatī hai

ik baar tire aane se kabhī gulban kī tarah jo mahkā thā

har gosha-e-shab se aaj usī hañgām kī ḳhushbū aatī hai

yaadon ke darichon se bite ayyam ki KHushbu aati hai

taskin ke jhonke aate hain aaram ki KHushbu aati hai

kuchh bol ki mustaqbil ki girah hum be-KHabron pe khul jae

saqi teri miThi baaton se ilham ki KHushbu aati hai

kis gulshan-e-ghair-arzi mein mujhe rahwar-e-saba le aaya hai

har samt se mujh ko ek gul-e-be-nam ki KHushbu aati hai

ek bar tere aane se kabhi gulban ki tarah jo mahka tha

har gosha-e-shab se aaj usi hangam ki KHushbu aati hai