yaadon ke kuchh charagh bujhae nahin gae

yādoñ ke kuchh charāġh bujhā.e nahīñ ga.e

haa.e dil-o-dimāġh se saa.e nahīñ ga.e

jo she'r tere husn kī paimā.ishoñ pe the

ham se to mahfiloñ meñ sunā.e nahīñ ga.e

ab kyā batā.eñ haal hamārā tumhāre baa'd

mar to chuke haiñ kab ke jalā.e nahīñ ga.e

le to rahe haiñ saat vachan log byaah meñ

sātoñ vachan kisī se nibhā.e nahīñ ga.e

yaadon ke kuchh charagh bujhae nahin gae

hae dil-o-dimagh se sae nahin gae

jo she'r tere husn ki paimaishon pe the

hum se to mahfilon mein sunae nahin gae

ab kya bataen haal hamara tumhaare ba'd

mar to chuke hain kab ke jalae nahin gae

le to rahe hain sat wachan log byah mein

saton wachan kisi se nibhae nahin gae