yaadon mein teri ashk bahae ko din hue

yādoñ meñ terī ashk bahā.e ko din hue

yaad aa ki ab ye lutf uThā.e ko din hue

muddat huī tū milne na aaya kabhī mujhe

mujh ko bhī terī yaad satā.e ko din hue

har sub.h fikr-e-kār-e-jahāñ meñ khulī hai aañkh

ḳhvāboñ meñ koī raat bitā.e ko din hue

haa.e vo mai-kade ke sabhī dil-figār log

jin sang koī shaam sajā.e ko din hue

taaza rafāqatoñ ke na.e zaḳhm khā.iye

pichhlī adāvateñ jo gañvā.e ko din hue

aane lage nigāh meñ is vaqt sab ke aib

ḳhud se kabhī nazar jo milā.e ko din hue

mahfil kī samt aanā paḌā āḳhirash hameñ

ḳhalvat-kade meñ dil jo dukhā.e ko din hue

jab se huā huuñ aap meñ apne se ham-suḳhan

auroñ ko apne sher sunā.e ko din hue

yaadon mein teri ashk bahae ko din hue

yaad aa ki ab ye lutf uThae ko din hue

muddat hui tu milne na aaya kabhi mujhe

mujh ko bhi teri yaad satae ko din hue

har subh fikr-e-kar-e-jahan mein khuli hai aankh

KHwabon mein koi raat bitae ko din hue

hae wo mai-kade ke sabhi dil-figar log

jin sang koi sham sajae ko din hue

taza rafaqaton ke nae zaKHm khaiye

pichhli adawaten jo ganwae ko din hue

aane lage nigah mein is waqt sab ke aib

KHud se kabhi nazar jo milae ko din hue

mahfil ki samt aana paDa aaKHirash hamein

KHalwat-kade mein dil jo dukhae ko din hue

jab se hua hun aap mein apne se ham-suKHan

auron ko apne sher sunae ko din hue