yan hosh se be-zar hua bhi nahin jata

Fani Badayuni

yan hosh se be-zar hua bhi nahin jata

Fani Badayuni

MORE BYFani Badayuni

    yaañ hosh se be-zār huā bhī nahīñ jaatā

    us bazm meñ hushyār huā bhī nahīñ jaatā

    kahte ho ki ham vāda-e-pursish nahīñ karte

    ye sun ke to bīmār huā bhī nahīñ jaatā

    dushvāri-e-inkār se tālib nahīñ Darte

    yuuñ sahl to iqrār huā bhī nahīñ jaatā

    aate haiñ ayādat ko to karte haiñ nasīhat

    ahbāb se ġham-ḳhvār huā bhī nahīñ jaatā

    jaate hue khāte ho mirī jaan qasmeñ

    ab jaan se be-zār huā bhī nahīñ jaatā

    ġham kyā hai agar manzil-e-jānāñ hai bahut duur

    kyā ḳhāk-e-rah-e-yār huā bhī nahīñ jaatā

    dekhā na gayā us se taḌapte hue dil ko

    zālim se jafākār huā bhī nahīñ jaatā

    ye turfa sitam hai ki sitam bhī hai karam bhī

    ab ḳhūgar-e-āzār huā bhī nahīñ jaatā

    yan hosh se be-zar hua bhi nahin jata

    us bazm mein hushyar hua bhi nahin jata

    kahte ho ki hum wada-e-pursish nahin karte

    ye sun ke to bimar hua bhi nahin jata

    dushwari-e-inkar se talib nahin Darte

    yun sahl to iqrar hua bhi nahin jata

    aate hain ayaadat ko to karte hain nasihat

    ahbab se gham-KHwar hua bhi nahin jata

    jate hue khate ho meri jaan ki qasmen

    ab jaan se be-zar hua bhi nahin jata

    gham kya hai agar manzil-e-jaanan hai bahut dur

    kya KHak-e-rah-e-yar hua bhi nahin jata

    dekha na gaya us se taDapte hue dil ko

    zalim se jafakar hua bhi nahin jata

    ye turfa sitam hai ki sitam bhi hai karam bhi

    ab KHugar-e-azar hua bhi nahin jata

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY