yan zaKHmi-e-nigah ke jine pe harf hai

yaañ zaḳhmī-e-nigāh ke jiine pe harf hai

hai dil par apne zaḳhm ki siine pe harf hai

zar-ḳharchiyāñ kahāñ talak apnī bayāñ kareñ

qārūn kī bhī yaañ to ḳhazīne pe harf hai

milte the chauthe pāñchveñ vo vaqt to gayā

ab ye ki chaar pāñch mahīne pe harf hai

kyā daḳhl vo jo haath se mere piyeñ sharāb

vaañ kahte kahte baat bhī piine pe harf hai

tūfān-e-ashk 'nūh'-alaihissalām se

bolā ki aap ke bhī safīne pe harf hai

nā-chīz aap jānte haiñ is qadar mujhe

ulfat to jaave bhaaḌ meñ kiine pe harf hai

nāseh jigar ke zaḳhm ko jarrāh kyā siye

yaañ sozan-e-masīh ke siine pe harf hai

yaañ har bun-e-masām meñ ḳhūnāba hai ravāñ

nikle to ḳhuuñ hī nikle pasīne pe harf hai

'inshā' kī mohr paḌhiye bhalā āshnā huā

kandīda koī is ke nagīne pe harf hai

ab dhyān kar ke dekhiye kyā hai gaThā huā

is kā har ek apne qarīne pe harf hai

yan zaKHmi-e-nigah ke jine pe harf hai

hai dil par apne zaKHm ki sine pe harf hai

zar-KHarchiyan kahan talak apni bayan karen

qarun ki bhi yan to KHazine pe harf hai

milte the chauthe panchwen wo waqt to gaya

ab ye ki chaar panch mahine pe harf hai

kya daKHl wo jo hath se mere piyen sharab

wan kahte kahte baat bhi pine pe harf hai

tufan-e-ashk 'nuh'-alaihissalam se

bola ki aap ke bhi safine pe harf hai

na-chiz aap jaante hain is qadar mujhe

ulfat to jawe bhaD mein kine pe harf hai

naseh jigar ke zaKHm ko jarrah kya siye

yan sozan-e-masih ke sine pe harf hai

yan har bun-e-masam mein KHunaba hai rawan

nikle to KHun hi nikle pasine pe harf hai

'insha' ki mohr paDhiye bhala aashna hua

kandida koi is ke nagine pe harf hai

ab dhyan kar ke dekhiye kya hai gaTha hua

is ka har ek apne qarine pe harf hai