yar ko bebaki mein apna sa humne kar liya

yaar ko bebākī meñ apnā sā ham ne kar liyā

ya.anī us ne Thokaroñ meñ sar hamārā dhar liyā

ishq-e-rusvā ne dī afzūnī hijāb-e-husn ko

jo uThā parda yahāñ se us ne vaañ muñh par liyā

is ko mai-ḳhvārī nahīñ kahte haiñ ḳhūñ-ḳhvārī hai ye

mere dil se lī gazak aur ġhair se sāġhar liyā

naam ko dil meñ jagah chhoḌī na dāġh-e-ishq ne

ek mehmāñ aisā aayā jis ne saarā ghar liyā

zauq dekho mujh se said-e-nā-tavāñ ke vāste

teġh lī ik haath meñ ik haath meñ ḳhanjar liyā

maiñ sitāra-soḳhta vo huuñ ki jis kā zā.icha

us ghaḌī khīñchā gayā jab daaġh kā aḳhtar liyā

chashm-o-dil rakkho ho yaaro jaav Tuk dekho use

mujh se kyā kahte ho us ne dil tirā kyūñ-kar liyā

ai 'razā' raah meñ ḳhizr kī mat raah dekh

ghar ke jaane meñ kisī ne bhī bhalā rahbar liyā

yar ko bebaki mein apna sa hum ne kar liya

yani us ne Thokaron mein sar hamara dhar liya

ishq-e-ruswa ne di afzuni hijab-e-husn ko

jo uTha parda yahan se us ne wan munh par liya

is ko mai-KHwari nahin kahte hain KHun-KHwari hai ye

mere dil se li gazak aur ghair se saghar liya

nam ko dil mein jagah chhoDi na dagh-e-ishq ne

ek mehman aisa aaya jis ne sara ghar liya

zauq dekho mujh se said-e-na-tawan ke waste

tegh li ek hath mein ek hath mein KHanjar liya

main sitara-soKHta wo hun ki jis ka zaicha

us ghaDi khincha gaya jab dagh ka aKHtar liya

chashm-o-dil rakkho ho yaro jaw Tuk dekho use

mujh se kya kahte ho us ne dil tera kyun-kar liya

ai 'raza' rah mein KHizr ki mat rah dekh

ghar ke jaane mein kisi ne bhi bhala rahbar liya