yara-e-guftugu nahin aankhon mein dam nahin

yārā-e-guftugū nahīñ āñkhoñ meñ dam nahīñ

ye ḳhāmushī bhī arz-e-tamannā se kam nahīñ

vīrān kis qadar hai guzar-gāh-e-ārzū

is rahguzar meñ koī bhī naqsh-e-qadam nahīñ

qaa.em rahī junūñ meñ bhī ik vaz-e-ehtiyāt

dil ḳhuun ho gayā hai magar aañkh nam nahīñ

dil hai jamāl-e-yār kī lazzat se faizyāb

is aa.ine meñ koī bhī tasvīr-e-ġham nahīñ

'hāfiz' ik iztirāb-e-musalsal hai zindagī

is manzil-e-vafā meñ kahīñ pech-o-ḳham nahīñ

yara-e-guftugu nahin aankhon mein dam nahin

ye KHamushi bhi arz-e-tamanna se kam nahin

viran kis qadar hai guzar-gah-e-arzu

is rahguzar mein koi bhi naqsh-e-qadam nahin

qaem rahi junun mein bhi ek waz-e-ehtiyat

dil KHun ho gaya hai magar aankh nam nahin

dil hai jamal-e-yar ki lazzat se faizyab

is aaine mein koi bhi taswir-e-gham nahin

'hafiz' ek iztirab-e-musalsal hai zindagi

is manzil-e-wafa mein kahin pech-o-KHam nahin