yara nahin jin mein dushmani ka

yaarā nahīñ jin meñ dushmanī kā

da.avā na kareñ vo dostī kā

unvāñ na mile jo ḳhud-sarī kā

khultā nahīñ baab āgahī kā

un ko thā ḳhayāl dostī kā

vo daur guzar chukā kabhī kā

dastūr nahīñ kuchh is sadī kā

kab daur na thā ravā-ravī kā

ai dost gila na kar kisī kā

ehsās hai ye bhī kamtarī kā

vo chāñd utar chukā hai dil meñ

muhtāj nahīñ jo raushnī kā

bohtān hai ye ki jī rahā huuñ

ilzām hai mujh pe zindagī kā

jiine ko to jī rahī hai duniyā

jiinā hai magar kisī kisī kā

jis vaqt sahar qarīb hogī

pūchheñge mizāj chāñdnī kā

vo pūchh rahe haiñ mujh se 'tāriq'

kyā haal hai terī shā.irī kā

yara nahin jin mein dushmani ka

dawa na karen wo dosti ka

unwan na mile jo KHud-sari ka

khulta nahin bab aagahi ka

un ko tha KHayal dosti ka

wo daur guzar chuka kabhi ka

dastur nahin kuchh is sadi ka

kab daur na tha rawa-rawi ka

ai dost gila na kar kisi ka

ehsas hai ye bhi kamtari ka

wo chand utar chuka hai dil mein

muhtaj nahin jo raushni ka

bohtan hai ye ki ji raha hun

ilzam hai mujh pe zindagi ka

jine ko to ji rahi hai duniya

jina hai magar kisi kisi ka

jis waqt sahar qarib hogi

puchhenge mizaj chandni ka

wo puchh rahe hain mujh se 'tariq'

kya haal hai teri shairi ka